راولپنڈی (اپنے سٹاف رپورٹر سے)پولیس وردی میں وائرلیس سیٹ اٹھائے 02 مسلح ڈاکو علاقہ تھانہ چکری میں تاجرسے60 لاکھ روپے سے لوٹ کر فرار ہوگئے پولیس کو ریت بجری کے تاجر ممتاز خان نے بتایا کہ گزشتہ روز اپنے بیٹے اوربرادر نسبتی کے ہمراہ ساڑھے 60 لاکھ روپے کی نقدی لے کر ایکسویٹر مشین خریدنے کے لئے براستہ موٹر ویجھنگ جارہا تھاکہ چکری روڈ کے قریب پیچھے سے آنے والی سفید رنگ کی گاڑی میں موجود پولیس یونیفارم پہنے 02 نامعلوم افراد نے ممتاز خان کی گاڑی کو رکنے کا اشارہ کیامدعی کے مطابق پولیس اہلکار سمجھ کر گاڑی روکی تو وائرلیس اور پسٹل سے لیس ڈاکوں نے میری گاڑی کی تلاشی لیتے ہوئے فرنٹ سیٹ کے نیچے دو شاپروں میں پڑی رقم 60 لاکھ 50 ہزار  روپے اٹھا کر اپنے گاڑی میں رکھ لیے ملزمان نے میری گاڑی کی چابی نکال کی اور اپنی گاڑی میں بیٹھ کر مٹر وے پر فرار ہوگئے پولیس نے ممتاز خان کی درخواست پر واقعہ کا مقدمہ درج کرلیا۔