راولپنڈی (جنرل رپورٹر)ہائی ٹیک یونیورسٹی ٹیکسلا نے آل پاکستان پرائیویٹ سکولز مینجمنٹ ایسوسی ایشن( ایپسما)راولپنڈی کے جنرل سیکرٹری عدنان نثار کو تعلیم کے فروغ کے خدمات کے اعتراف میں اعزازی شیلڈ سے نوازا ۔ ہائی ٹیک یونیورسٹی ٹیکسلا کے ایسوسی ایٹ پروفیسر ڈاکٹر نوید احمد اور ڈاکٹر نعمان عالم نے عدنان نثار کو اعزازی شیلڈ اورتعریفی سند پیش کی۔ انہوں نے تعلیمی میدان میں ایپسما کی خدمات کو سراہتے ہوئے امید ظاہر کی کہ آپ کی سرپرستی میں  ایپسما مستقبل میں تعلیم کے فروغ اور تعلیمی شعبہ کو درپیش مسائل  کے حل کے لئے اپنی کوششیں جاری رکھے گی۔