اسلام آباد (اے پی پی) پاکستان باسکٹ بال فیڈریشن کے سیکرٹری کرنل (ر) نسیم بٹ نے کہا ہے کہ قومی باسکٹ بال چیمپئن شپ کے انتظامات آئندہ چند روز میں مکمل کر لئے جائیں گے۔ قومی باسکٹ بال چیمپئن شپ 20 سے 27 مئی تک پشاور میں کھیلی جائے گی اور یہ چیمپئن شپ پاکستان ایئر فورس کے تعاون سے منعقد کی جا رہی ہے۔ انہوں نے کہا کہ چیمپئن شپ میں چاروں صوبوں، اسلام آباد، فاٹا، آزاد کشمیر، آرمی، ائرفورس، نیوی، ریلوے، پولیس، ایچ ای سی، واپڈا اور رینجرز کو بھی مدعو کیا گیا ہے۔