پیرس(سپورٹس ڈیسک ) 52 ویں عالمی ٹیبل ٹینس چیمپئن شپ کل سے فرانس کے شہر پیرس میں کھیلی جائے گی۔130 ممالک کے796 کھلاڑی مد مقابل ہوں گے۔ انتظارکی گھڑیاں ختم ہونے کو ہے۔ فرانس کے دل پیرس میں ٹیبل ٹینس کا عالمی میلہ سجانے کی تمام تیاریاں مکمل کی جاچکی ہیں۔ آٹھ روزہ مقابلوں میں ایک سو تیس ممالک کے چار سو چھتیس مرد اور تین سو ساٹھ خواتین کھلا ڑی مینز سنگلز، وومینز سنگلز، مینز ڈبلز، وومینز ڈبلز اور مکسڈ ڈبلز کیٹگری میں حصہ لیں گے۔ مردوں کے انفرادی ایونٹ میں زانگ جیکی اور خواتین میں ڈینگ نینگ اپنے اعزاز کا دفاع کریں گی۔ دونوں کھلاڑیوں کا تعلق چین سے ہے۔