لاہور (کلچرل رپورٹر) پا کستان ٹیلیویژن نے انتخابات کے موقع پر الیکشن سٹی بنانے کا اہتمام کیا ہے جہاں سے الیکشن کے موقع پر ملک بھر سے لمحہ بہ لمحہ خبروںکے سا تھ ساتھ الیکشن کے نتائج سے بھی ناظرین کو آگاہ کیا جائے گا۔ پی ٹی وی کی اس خصوصی ٹرانسمشن میں ملک کے نامور صحافی، دانشور، تجزیہ نگار، سیاسی رہنما اور شوبز کے لوگ بھی شرکت کریں گے۔ پی ٹی وی کا شعبہ حالات حاضرہ ڈائر یکٹر مسعود شورش کی سرکردگی میں الیکشن کے حوالے سے بہت سے دیگر اہم پروگرام بھی ناظرین کو دکھا رہا ہے ان پروگراموں میں "انتخابی معرکہ"، سچ تو یہ ہے، نیوز نائٹ، فیسنگ دی نیشن، نیوز لائن، بات سے بات ناجی کے ساتھ، جمہوریت اور ہم، سیدھی بات، الیکشن ڈیبیٹ، بے باک اور مختلف حلقوں سے رپورٹس شامل ہیں۔ پی ٹی وی کے پروگرام ڈویژن نے ڈائر یکٹر پروگرامز سجاد احمد کی قیادت میں الیکشن کے حوالے سے بہت سے پروگرام تیار کئے ہیں جن میں الیکشن کنکشن، مارننگ ود جگن، بزم طارق عزیز (الیکشن سپیشل)، رات گئے (الیکشن سپیشل)، کیفِ انقلاب، مختلف نغموںکی پیروڈی، پبلک سرو س میسجز، انو کھا لاڈلا، حرفیاں، ریمبو ان الیکشن، کارٹون (گوگی) اور کاونٹ ڈاون ٹی ٹونٹی شامل ہیں۔ الیکشن کے دن پی ٹی وی ہوم سے بھی براہ راست خصوصی ٹرانسمشن سارا دن جاری رہے گی جس میں طارق عزیز، توثیق حیدر، ریما، حنا دلپزیر، وصی خان میزبانی کے فرائض انجام دیں گے۔ پی ٹی وی کے منیجنگ ڈائر یکٹر قا ضی مصطفی کمال تمام پروگراموں کی براہ راست نگرانی کر رہے ہیں۔ الیکشن کے خصوصی پروگرموں میں انوکھا لاڈلا کے رائٹر خدا بخش ساجدہیں۔کاسٹ میں سلیم شیخ، ماہ جبین، اشرف خاں، صبا حمید، فریحہ جبیں، سلیم خواجہ ہیں۔ مزاحیہ خاکے‘ الیکشن ہٹس، پیروڈی آف سانگ، تھیم سانگ‘ الیکشن ان گیٹ ہاﺅس کاسٹ میں افضل خاں، لیلیٰ زبیری، خالد حفیظ، طارق ملک ہدایات سید شاکر عزیرکی ہیں۔ الیکشن کنیکشن تحریر عطاءاللہ عالی ہدایا ت‘ شوکت حسین‘ رات گئے کے کمپئر وصی شاہ ہیں ‘ہدایات فرحان مشتاق کی ہیں ‘ مارننگ ود جگن: کمپئر جگن کاظم ‘ہدایات قیصر شریف ‘ بزم طارق عزیز: کمپئر طارق عزیز ‘ہدایات: راﺅ ذولفقار فرخ‘ حرفیاں: الیکشن ٹرانسمشن کے دوران چلیں گئیں‘ ریمبو ان الیکشن ‘کاسٹ افضل خاں، لیلیٰ زبیری، خالد حفیظ، طارق ملک ‘ہدایات سید شاکر عزیر‘کارٹون گوگی‘ الیکشن ٹرانسمشن کے دوران چلیں گے۔