محمد بلال اور بابر مسیح ایشین اسنوکر چیمپئن شپ کے کوارٹر فائنل میں پہنچ گئے

کراچی (اسپورٹس رپورٹر)پاکستان کے محمد بلال اور بابر مسیح 34ویں ایشین اسنوکر چیمپئن شپ کے کوارٹر فائنل میں پہنچ گئے جبکہ محمد ماجد علی اور محمد آصف کو لاسٹ24رائونڈ میں شکست ہو گئی ،بابر میسح نے120کا بریک کھیل ڈالا ۔ایران کے شیر تبریز میں جاری ایشین اسنوکر چیمپئن شپ کے پری کوارٹر فائنل میچوں میں پاکستان کے بابر مسیح نے ایران کے سیا ووش موذیانی کو 4-1سے مات دی ۔بابر مسیح نے چوتھے فریم میں120کا بریک بھی کھیلا ۔دوسرے پری کوارٹر میں محمد بلال نے میانمار کے کو ہٹیٹ کو 4-3کے سخت مقابلے کے بعد زیر کیا ،کوارٹر فائنل میں بابر مسیح کا مقابلہ ایران کے گہرانگ اوزلو سے اور محمد بلا ل کا مقابلہ قطر کے احمد سیف سے شیڈول تھا ۔ادھر لاسٹ24رائونڈ میں پاکستان کے محمد ماجد علی کو میانمار کے کو ہٹیٹ نے 4-1`سے اور محمد آصف کو عراق کے علی حسین نے 4-3سے زیر کر کے ایونٹ سے باہر کر دیا ۔