ٖلاہور(پ ر )خیابان چورہ شریف لاہور میں جمعہ کے اجتماع سے خطاب کرتے ہوئے امیر عالمی چادر اوڑھ تحریک پاکستان و سجادہ نشین آستانہ عالیہ چورہ شریف یوسف المشائخ پیر سیدمحمد کبیر علی شاہ گیلانی مجددی نے کہاکہ گانوں کی طرز پر نعت پڑھنے والے نعت کی بے ادبی کے مرتکب ہورہے ہیں نعت کا تقاضا ہے کہ سرکار دوعالمؐ کی سنت کو ملحوظ خاطر رکھتے ہوئے داڑھی چہروں پر سجائی جائے۔ انہوں نے کہاکہ بعض نعت خواں حضرات بغیر وضو اورسگریٹ نوشی کرکے محافل میں نعت پڑھتے ہیں ادب کا تقاضا ہے کہ محبوب خدا ؐ کے حضور باوضو ہوکر حاضری دی جائے۔ امیرعالمی چادر اوڑھ تحریک پاکستان نے اپنے تمام وابستگان کو ہدایت کی کہ وہ بغیر داڑھی ، دف اورمیوزک کے ساتھ نعت پڑھنے والوں کا بائیکاٹ جاری رکھیں رمضان المبارک میں باریش نعت خواں حضرات کو گولڈ میڈل سے نوازا جائے گا۔