لاڑکانہ سے ڈھائی سالہ بچی پراسرارطورپرغائب

لاڑکانہ(بیورو رپورٹ) لاڑکانہ شہر کے تھانہ رحمت پور کی حد لوہی پل رائیس کینال کے علاقے سے گھر کے باہر کھیلنے کے دوران ڈھائی سالہ بچی دعا ولد الطاف حسین عمرانی پراسرار طور پر لاپتہ ہوگئی ہے جس کے باعث ورثہ شدید پریشانی میں مبتلا ہوگئے ہیں، اس حوالے سے گمشدہ بچی کے والد الطاف حسین نے بتایا کہ گزشتہ ہفتے کے روز میری بیٹی دعا گھر کے باہر کھیلنے گئی جہاں سے وہ لاپتہ ہوئی جس کے بعد اسے مختلف علاقوں میں تلاش کرنے سمیت پولیس کو اطلاع دی تاہم اس وقت تک اس کا کچھ بھی پتہ نہ چل سکا جس کے باعث تمام گھر والے سخت پریشان ہیں، انہوں نے ڈی آئی جی اور ایس ایس پی لاڑکانہ سے اپیل کی کہ بیٹی کو تلاش کرنے میں مدد کرکے چھائی پریشانی دور کی جائے۔