کووڈ -19 سے نمٹنے کے لئے ٹرمپ انتظامیہ کے طور طریقے کمزورہیں ، اوبامہ

 سابق امریکی صدر براک اوبامہ نے عالمی وبا کورونا وائرس (کووڈ -19) سے نمٹنے کے لئے صدر ڈونالڈ ٹرمپ کی انتظامیہ کی جانب سے اپنائے گئے طور طریقوں کو لے کر ان کی سخت تنقید کی ہے۔ بھارتی خبر رساں ادارے کے مطابق اوبامہ نے اپنے سابق حکام کے ساتھ بات چیت کے دوران کہا کہ کووڈ -19 سے نمٹنے کے لئے ٹرمپ انتظامیہ کا رویہ بہت ہی خراب ہے جس کی وجہ سے موجودہ صورتحال مکمل طور پر بدنظمی کا شکار ہوچکی ہے۔سابق امریکی صدر نے کورونا وائرس سے نمٹنے کی امریکی صدر ڈونلڈ ٹرمپ کی حکمت عملی کو شدید تنقید کا نشانہ بناتے ہوئے اسے ’انتشار سے بھرپور اور تباہ کن صورتحال‘قرار دیا ہے۔