مستونگ:پولیس موبائل پر فائرنگ،2اہلکار شہید،کوئٹہ میں دھماکہ 4زخمی

کوئٹہ (نوائے وقت رپورٹ) مستونگ میں پولیس موبائل پر فائرنگ سے دو اہلکار شہید ہو گئے۔  علاوہ ازیں کوئٹہ کے علاقے سریاب روڈ پر دھماکے کے نتیجے میں 2 ایف سی اہلکاروں سمیت 4 افراد زخمی ہو گئے۔ پولیس کے مطابق سریاب کے علاقے طارق ہسپتال کے قریب آئی ای ڈی سڑک کنارے نصب کی گئی تھی۔ جیسے ہی ایف سی اہلکاروں کی موٹرسائیکل سڑک کنارے رکی تو زوردار دھماکہ ہوا جس کے نتیجے میں 4 افراد زخمی ہو گئے جنہیں ہسپتال منتقل کر دیا گیا۔