سیکورٹی ڈیوٹی پر تعینات افسران و ملازمین کورونا ایس او پیز پرعملدرآمدیقینی بنائیں

راولپنڈی (اپنے سٹاف رپورٹر سے) سٹی پولیس آفیسر راولپنڈی محمد احسن یونس نے نماز فجر اوردن کے وقت سیکورٹی انتظامات کا جائزہ لینے کے لیے شہر کے مختلف علاقوں کا اچانک دورہ کیادورے کے دوران مساجد، امام بارگاہ اور پکٹ ڈیوٹی پر تعینات افسران و ملازمین کو چیک اور بریف کیافرائض کی بہتر انجام دہی پر اہلکاران کو شاباش دی، انسداد ون ویلنگ پکٹس پر ناقص ڈیوٹی پر ٹریفک سٹاف کو وارننگ دی،سی پی او راولپنڈی نے سیکورٹی ڈیوٹی پر تعینات افسران و ملازمین کو الرٹ ڈیوٹی اور کورونا ایس او پیز پرعملدرآمدیقینی بنانے کے متعلق ہدایات جاری کیں،دوران ڈیوٹی اپنی حفاظت کو یقینی بناتے ہوئے ماسک،گلوز اورسنیٹائز رزکا استعمال کریں،مساجد میں کورونا ایس اوپیز پر عملدرآمد کو یقینی بنایا جائے اورسماجی فاصلے کومدنظر رکھا جائے،راولپنڈی پولیس شہریوں کے تحفظ کے لیے ہمہ وقت کوشاں ہے اور اس مقصد کے لیے تمام دستیاب وسائل کو بروئے کار لا رہی ہے۔