لاہور (نیوز رپورٹر)کنگ ایڈورڈ میڈیکل یونیورسٹی کے زیر اہتمام مرحوم پروفیسرڈاکٹر  سید علی رضا گردیزی کی یاد میں تعزیتی ریفرنس کا انعقاد کیا گیا تعزیتی ریفرنس کیمہمان خصوصی سابقہ پرنسپل کنگ ایڈورڈ میڈیکل کالج پروفیسر خواجہ صادق حسین تھے۔اس موقع پر سابقہ پرنسپل کنگ ایڈورڈ میڈیکل کالج پروفیسر محمود علی ملک، سابقہ وائس چانسلرز پروفیسر قاضی محمد سعید،پروفیسر عامر زمان خان  پرنسپل سمز پروفیسر فاروق افضل، پروفیسر فرید ظفر پروفیسر یعقوب قاضی  پروفیسر محمد امجد، پروفیسر جاوید گردیزی،  پروفیسر بلال محی الدین، پروفیسر عمران اکرم صحاف، پروفیسر طیبہ وسیم، شعبہ طب سے تعلق رکھنے والے، کنگ ایڈورڈمیڈیکل یونیورسٹی کے ڈینز، ممبران اکیڈیمک کونسل، فیکلٹی ممبران سمیت احباب  نے شرکت کی۔اس موقع  پر وائس چانسلر پروفیسر خالد مسعود گوندل کا کہنا تھا کہ آج ہم سب اکٹھے ہوئے ہیں اپنے عظیم استاد، شفیق انسان کی یاد میں پروفیسر ایس اے آر گردیزی مرحوم ایک شفیق استاد، عظیم منتظم، مثالی سرجن اور بہترین انسان تھے ۔