ملکی فلموں کا عید دنگل میں ریلیز ہونا خوش‘ آئند‘ غلام محی الدین

کراچی (کلچرل ڈیسک) سینئر اداکار غلام محی الدین نے کہا ہے کہ ملکی فلموں کا عید دنگل میں ریلیز ہوناخوش آئند امرہے ،بہت جلد فلم  انڈسٹری کاسنہری دورشروع ہوگا۔جس کے لئے لاہوریا کراچی کی تفریق مٹانا ہوگی  ،جس طرح کھلاڑی و فنکار پورے ملک کے اسٹارہوتے ہیں ایسے ہی فلمساز بھی ملک بھرکیلئے تفریح سے بھرپورفلم بناتے ہیں۔   ان خیالا ت کا اظہارانہوں نے ریلیز ہونے والی محبت‘ مزاح‘ایکشن اور تفریح سے بھرپور فلم ’’رہبرا‘‘کی کاسٹ کے ساتھ فلم کی تشہیر ی مہم میںمقامی مال کے دورہ کے دوران میڈیاسے گفتگوکرتے ہوئے کیا۔ اداکارہ عائشہ عمر نے کہا فلموں میں شائقین کی دلچسپی بڑھ رہی ہے اور  ہمارے حوصلے بھی بلند ہیں۔فنکاروں اورفلم کی پروڈیوسر سائرہ افضل نے وہاں موجود بڑے ہجوم سے بات چیت کی اور ان کے ہمراہ سیلفیاں لیں۔اس موقع پر’’رہبر ا ‘‘ کادلفریب ٹریلر پیش کیا گیا۔حاضرین کی بے پناہ فرمائش پر اس ٹریلر کو متعدد با رپیش کیاگیا۔ شام کے میزبان انوشے اشرف اور ڈینو نے اس موقع پر موجود کاسٹ اور عملے سے دلچسپ سوالات کئے جن کے کاسٹ نے بھرپو جواب دے کر حاضرین کو محظوظ کیا ’’رہبرا‘‘ کی کاسٹ اور عملے نے اور مقامی مال کی انتظامیہ کی طرف سے مال کی پانچویں سالگرہ کا دس منزلہ کیک بھی کاٹا۔ فنکاروں کا کہناتھاکہ لوگوں کی دلچسپیاں دیکھ کا ہمیں فلم کی کامیابی کا یقین ہے۔