کراچی(سٹی ڈیسک) مسلم لیگ(ن) کے مرکزی رہنما ایم پی اے پنجاب اسمبلی رانا مشہود2 روزہ دورہ پر آج کراچی پہنچیں گے اپنے دورہ کراچی میں وہ پارٹی کے سینئر صوبائی رہنمائوں‘ سابق یوسی چیئرمینز سمیت دیگر عمائدین شہر سے ملاقات کرکے کراچی کے سلگتے مسائل کے حل کیلئے وفاقی حکومت کے منصوبوں پر ہونے والی پیش رفت پر تبادلہ خیال کیا جائے گا۔ مسلم لیگ ن کراچی ڈویژن کے صدر انجینئر سلمان خان کے مطابق رانا مشہود مسلم لیگ ن ہائوس کارساز میں سابق مسلم لیگی یوسی چیئرمینز سے خصوصی نشست میں ان کے حلقوں کے بلدیاتی مسائل کے حل بالخصوص‘ سڑکوں کی تعمیر‘ پانی کی فراہمی سیوریج نظام کی بہتری سمیت دیگر علاقائی بنیادی مسائل کے حل کیلئے وفاق کے تحت ترقیاتی بجٹ کے تحت باہمی مشاورت سے کام کرائے جانے سے متعلق لائحہ عمل کو حتمی شکل دی جائے گی۔