لاہور(این این آئی) پنجاب فوڈاتھارٹی کی کارروائی، شیخوپورہ میں معروف برانڈزکی جعلی بوتلیں بنانیوالا یونٹ پکڑلیا ۔80 ہزار بوتلوں کے جعلی لیبلز، 12 ہزار بوتلیں ، ڈھکن،90 لٹر ڈرنکس،50کلو رنگ اور فلیورز تلف، پلاسٹک بوتلیں تیار کرنے والے 7 سانچے،مکسنگ مشین،فلنگ مشین،2 سٹوریج ٹینک ،سلنڈرز اورکیمیکل ڈرمز ضبط کر کے ملزموں کیخلاف مقدمہ درج کرلیا ۔ڈی جی فوڈاتھارٹی شعیب خان جدون نے کہا کہ ڈرنکس کے نام پر کیمیکلز کا محلول تیارکرنیوالا یونٹ جڑ سے اکھاڑدیا گیا۔شیخوپورہ کی آپریشن ٹیموں نے سپلائی چین کی ریکی کر کے یونٹ کا پتہ لگایا۔ ریکارڈ کی عدم دستیابی،غیر معیاری سٹوریج،حشرات کی موجودگی، بدبودار ماحول پایاگیا۔جعلساز مافیا ممنوعہ اجزا ء کے استعمال سے معروف برانڈز کی جعلی بوتلیں تیار کر رہے تھے۔ مضر صحت کاربونیٹڈ ڈرنکس جعلی لیبلنگ لگا کر گلی محلوں اور چھوٹے فوڈپوائنٹس پر سپلائی کی جانی تھیں۔