گوجرانوالہ (نمائندہ خصوصی )آل پاکستان سٹین لیس سٹیل امپورٹرز اینڈ ٹریڈر ایسوسی ایشن سے اتحاد گروپ نے گوجرانوالہ چیمبرآف کامرس کے صدر شیخ فیصل ایوب اورچیئرمین اتحاد گروپ خواجہ حماد رمضان کے اعزاز میں عید ملن پارٹی کا اہتمام کیا ۔اس موقع پر صدر اتحاد گروپ عرفان یعقوب ،گوجرانوالہ چیمبر کے سابق صدور اخلاق احمد بٹ،محمد شعیب بٹ،سابق سینئرنائب صدر عرفان سہیل کے علاوہ دیگر کاروباری شخصیات موجود تھیں۔اس موقع پر صدر گوجرانوالہ چیمبر شیخ فیصل ایوب نے ملک میں کاروباری صورتحال پر تبادلہ خیال کرتے ہوئے کہا کہ گوجرانوالہ پاکستان کا چوتھا بڑا صنعتی شہر ہے۔اس صنعتی شہر میں 34بزنس کلسٹرز موجود ہیں جو اپنے نامساعد کاروباری حالات کے باوجودلاکھوں افراد کو روزگار مہیا کر ر ہے ہیں۔یہاں کی صنعتی مصنوعات کوالٹی کے اعتبار سے پوری دنیا میں الگ پہچان رکھتی ہیں۔سابق وفاقی وزیر نے اس شہر کو (سٹی آف انجینئرنگ ) کا خطاب بھی دیا ۔گوجرانوالہ میں 30ہزار کے لگ بھگ چھوٹی،بڑی اور درمیانے درجے کی صنعتیں قائم ہیں ۔