عمران خان مضبوطی سے ڈٹے رہیں : وسیم ‘حفیظ ‘وقار ‘شعیب کا رد عمل

لاہور(سپورٹس رپورٹر)پاکستان تحریک انصاف کے چیئرمین عمران خان کی گرفتاری کے بعد سابق کپتان وسیم اکرم نے کہا کہ عمران خان مضبوطی سے ڈٹے رہیں ۔آپ واحد لیڈر ہیں جنہوںنے اسلامو فوبیا پر آواز بلند کی تھی ۔ آپ اسلامی رہنمائوں میں سے نمایاں لیڈر ہیں ۔ محمد حفیظ کی جانب سے عمران خان کی گرفتاری کو دردناک اورقابل مذمت عمل قرار دیا گیا ۔ وقار یونس نے عمران خان کی گرفتاری کے وقت کی ویڈیو شیئر کی اور لکھا ہم آپ کے بالکل پیچھے ہیں کپتان، آخر میں ناانصافی ہی آزادی پیدا کرتی ہے۔ نیک خواہشات کا بھی اظہار کیا۔انہوں نے پاکستان زندہ باد کا ہیش ٹیگ استعمال کیا اور لکھا آئیے اپنے رہنما اور آزادی کی حفاظت کرتے ہیں۔ شعیب اختر نے ٹوئٹر پر عمران خان کی گرفتاری کی ویڈیو شیئر کرتے ہوئے شعیب اختر نے لکھا کہ قومی ہیرو کیساتھ جس طرح کی بدتمیزی کی جارہی ہے اور جو ویڈیوز سامنے رہی ہیں یہ دل شکستہ ہے۔وہ زخمی ہیں اور پاکستان کیلئے ان کی ان گنت خدمات ہیں، ہم کس جانب بڑھ رہے ہیں؟ برائے مہربانی اپنے قومی ہیروز کیلئے عزت دکھائیں۔