مقبوضہ کشمیر: محاصرے، تلاشی، کارروائیاں جاری، مزید 2نوجوان گرفتار

سری نگر (کے پی آئی) بھارتی فورسز نے جنوبی کشمیر میں دو نوجوانوں کو گرفتار کر لیا ہے۔ شاہد احمد لون ولد عبدالرشید لون ساکن چھوٹی پورہ شوپیاں اور وسیم احمد گنائی ولد عبدالحمید گنائی ساکن بہوری ہالن شوپیاں کو گرفتاری کے بعد نامعلوم مقام پر منتقل کر دیا گیا ہے پولیس کے  مطابق  گرفتار ہونے والے عسکریت پسند ہیں جبکہ جموں و کشمیر میں بھارتی فوجیوں نے راجوری اور پونچھ اضلاع میں محاصرے اور تلاشی کی پرتشدد کارروائیاں جاری رکھی ہوئی ہیں۔ بھارتی فوج اور پیراملٹری فورسز کے اہلکاروں نے کیساری سمیت ضلع راجوری کے مختلف علاقوں میں مسلسل چھٹے روز بھی نام نہاد آپریشن جاری رکھا۔ضلع راجوری میں ایک 19سالہ شادی شدہ خاتون کی پراسرار حالت میں موت ہوگئی ہے۔ ضلع کے علاقے سندر بنی میںنعیم اختر کی پراسرار حالات میں موت ہو گئی اوربتایاجارہا ہے کہ اس نے کوئی زہریلی شے کھائی تھی۔دوسری جانب بھارتی تحقیقاتی ادارے این آئی اے نے کشمیری حریت پسندفیاض احمد ماگرے کی  جائیداد قرق کر لی ہے۔جنوبی کشمیر کے پلوامہ ضلع کے لیتھ پورہ علاقے میں بدھ کے روز این آئی اے فیاض احمد ماگرے کی ملکیتی عمارت کو بحق سرکار ضبط کر لیا بتایا جاتا ہے کہ   لیتھ پورہ میں 5.5 مرلہ اراضی پر تعمیر ہونے والی 6 دکانیں شامل ہیں۔