فیروزوالہ( نامہ نگار) جی ٹی روڈ پر ٹریفک کے مختلف حادثات میں نوجوان ہلاک اور میاں بیوی سمیت اٹھ افراد زخمی ہو گئے۔ لاہور روڈ پر تیز رفتار ٹرک بے قابو ہوکر موٹر سائیکل سواروں سے ٹکرا گیا ‘موٹر سائیکل سوار نوجوان عرفان احمد ہلاک جبکہ اس کے دو ساتھی شبیر حسین اور رفیق زخمی ہو گئے جنہیں ہسپتال داخل کرا دیا گیا۔ سگیاں چوک کے قریب تیز رفتار کار قابو ہو کر موٹر سائیکل سے ٹکرا گئی جس کے نتیجہ میں موٹر سائیکل سوارنوجوان عدنان اس کی بیوی اور بیٹا زخمی ہو گئے جن کو ہسپتال داخل کرا دیا گیا۔ جی ٹی روڈ پر دو موٹر سائیکلیں ٹکرا گئیں جس  کے نتیجہ میں تین افراد طاہر اور جاوید وغیرہ زخمی ہو گئے۔