پنجاب سیف سٹیز اتھارٹی نے ذہنی معذور 80سالہ بزرگ کو ورثاء سے ملوا دیا 

لاہور(نامہ نگار)پنجاب سیف سٹیز اتھارٹی نے گمشدہ ذہنی معذور بزرگ ورثاء سے ملوا دیا ہے۔ جوہر ٹاؤن کا رہائشی 80 سالہ بزرگ گھر کا راستہ بھول گیا تھا۔سیف سٹی لاسٹ اینڈ فاؤنڈ پر گمشدہ بزرگ ملنے کی اطلاع موصول ہو۔ بزرگ کی بیٹی نے 15 لاسٹ اینڈ فاؤنڈ سنٹر پر والد کے گم ہونیکی اطلاع دی۔سیف سٹی ٹیم نے دنوں معلومات کا موزانہ کرتے ہوئے بزرگ کو ورثاء سے ملوا دیا۔تھانہ جوہر ٹاؤن نے تصدیق کے بعد بزرگ کو ورثاء کے حوالے کر دیا۔ترجمان سیف سٹیز کے مطابق سیف سٹی اب تک 5 ہزار سے زیادہ گمشدہ افراد کو اپنوں سے ملواچکی ہے۔