فیصل آباد (نمائندہ خصوصی) شہر اور نواحی علاقوں میں سگی بہنوں سمیت پندرہ افراد کو اغوا کر لیا گیا۔ غلام محمد آباد کے علاقہ مرضی پورہ سے یعقوب کی بیٹی، گلزار کالونی سے اکرم کی جواں سال بیٹی اور کوکیانوالہ سے منظور حسین کی بائیس سالہ بیٹی، قائد اعظم پارک سے ذوہیب کی بیوی، تھانہ ملت ٹاؤن بھائی والا سے رحمت بی بی کی بیٹی اور نشاط آباد سے اکرام الحق کے بھائی، غلام محمد آباد نمبر دو سے غلام عباس کی دو جواں سال بیٹیوں اور 2 ج ب سے افتخار حسین کے بھائی، ڈی ٹائپ کالونی  سمندری روڈ سے اکرم کے بھائی، لنڈیانوالہ جودھکے سے بوٹا کی جوان بیٹی، تھانہ بلوچنی  69 ر ب سے ناصر احمد کے ملازموں، جڑانوالہ 123 گ ب سے سیموئیل مسیح کے بھائی اور جڑانوالہ کے علاقہ 237 گ ب سے تجمل ستار کی  بیٹی کو مسلح ملزم دن دہاڑے اسلحہ کے زور پر اغوا کر کے لے گئے۔