لاہور (کلچرل رپورٹر)انسٹیٹیوٹ آف آرٹس اینڈ کلچر لاہور میں کراچی فلم سوسائٹی کے تعاون سے پاکستان انٹرنیشنل فلم فیسٹیول ورکشاپس کا انعقادہوا ۔ نیویارک اور لاس اینجلس سے آئے نامور امریکی فلم سازوں ،سینماٹوگرافر اور ہدایت کار جیمز میک ملن، ایگزیکٹو پروڈیوسر لوئیسا اسکن، اسسٹنٹ ڈائریکٹر اینڈریو فیرو، اور اسکرین رائٹر سعدیہ اشرف نے طلبہ کو فلم بنانے کی جدید تکنیکوں پرتربیت دی۔ انہوں نے بتایا کہ اندرون لاہور ہمیں لوگوں سے بہت پیار ملا۔لوئیسا اسکن نے آئندہ منصوبوں میں پاکستانی اور امریکی ٹیلنٹ کے درمیان تعاون کی اپنی خواہش کا اظہار کیا۔ جیمز میک ملن نے لائٹنگ اور کیمرہ ہینڈلنگ کی ٹریننگ دی۔