امتحانات میں رکاوٹیں دور‘طب و طبیب کی ترقی کا مشن جاری رہے گا، حکیم احمد سلیمی 

لاہور (نیوز رپورٹر)طب اور طبیب کی خاطر کوئی دقیقہ فزوگزاشت نہیں رکھیں گے۔ ان خیالات کا اظہار صدر نیشنل کونسل فار طب و پاکستان طبی کانفرنس پنجاب پروفیسر حکیم محمد احمد سلیمی نے کیا۔اس موقع پر پروفیسر حکیم سید عمران فیاض ترجمان  پاکستان طبی کانفرنس پنجاب بھی موجود تھے۔ انہوں نے اپنے پیغام میں کہا کہ معزز اطباء کرام و طلباء  طبیہ کالجز نیشنل کونسل فارطب کے زیرِ انتظام ہونیوالے امتحانات میں حائل تمام رکاوٹیں اللہ تعالیٰ کے فضل و کرم سے دور ہو گئی ہیں۔منسٹری آف نیشنل ہیلتھ سروسز ریگولیشنز اینڈ کوآرڈی نیشن کی طرف سے نیشنل کونسل فار طب کی سابقہ امتحانی کمیٹی (جو کہ 2015 میں نوٹیفائی کی گئی تھی)کو امتحانات کے انعقاد کیلئے ہدایات جاری کر دی گئی ہے۔