لاہور(سپورٹس رپورٹر ) آئی سی سی چیمپئنز ٹرافی 2025ء کیلئے بھارتی ٹیم کی پاکستان آمد کا فیصلہ بھارت میں ہونے والے عام انتخابات کے بعد کیا جائیگا۔ بھارتی میڈیا کی رپورٹس کے مطابق بی سی سی آئی کے اعلیٰ عہدیداروں کا کہنا ہے کہ پاکستان کی میزبانی میں ہونے والی آئی سی سی چیمپئنز ٹرافی 2025ء کیلئے بھارتی ٹیم کی روانگی سے متعلق حتمی فیصلہ نئی آنے والی حکومت کریگی۔نو منتخب حکومت بھارتی کرکٹ بورڈ سے میٹنگ کے بعد آئندہ لائحہ عمل کا اعلان کریگی۔ 2023ء میں ایشیا کپ کی میزبانی سے بھارتی کرکٹ بورڈ کے صدر راجر بنی اور نائب صدر راجیو شکلا نے پاکستان دورہ کیا جبکہ اسی برس پاکستان نے ورلڈکپ کیلئے اپنی ٹیم پاکستان بھیجی تھی۔واضح رہے کہ بھارت میں عام انتخابات کا سلسلہ جاری ہے جو اگلے ماہ جون کے پہلے ہفتے میں اختتام پذیر ہونگے، بعدازاں نومنتخب حکومت فیصلہ کرے گی۔