صبح کے اجالے میں رات کا گمان،شدید گرج و چمک و آندھی طوفان 

کلرسیداں(نامہ نگار)صبح کے اجالے میں رات کا گمان،شدید گرج و چمک و آندھی طوفان کے ساتھ موسلادہار بارش اور ژالہ باری۔آسمانی بجلی گرنے سے آئیسکو سب ڈویژن کلرسیداں کے دو ٹرانسفامرز جل گئے۔ تفصیلات کے مطابق صبح نو بجے کے اجالے میں ایک دم موسم بدلا روشنی کی جگہ تاریکی چھا گئی جس کے ساتھ ہی شدید آندھی طوفان،گرج و چمک کے ساتھ موسلادہار بارش اور ژالہ باری شروع ہو گئی۔ آسمانی بجلی گرنے سے آئیسکو سب ڈویژن کلرسیداں کے دو دیہات کلاہنہ اور دکھالی میں لگے بجلی کے ٹرانسفارمرز جل گئے جبکہ بیشتر علاقوں میں بجلی کی سپلائی بھی متاثر ہوئی۔