جلد ملک میں معاشی انقلاب برپا ہوگا،سردار افتخار احمدمٹھو 

 کھنڈہ (نامہ نگار )سابق ایم پی اے ن لیگ سردار افتخار احمدمٹھو خان نے کہا ہے کہ پا ک سعودیہ دوستی لازو ال ہے دونوں ممالک نے ہمیشہ کڑے وقت میں ایک دوسرے کا بھرپور ساتھ دیا ہے سعودی عرب کا پاکستان میں سرمایہ کاری کرنے کا اعلان اسی کا مظہر ہے جس سے ملک میں معاشی انقلاب برپا ہوگااور پاکستان کی خود انحصاری کی منزل جلد حاصل ہوگی ,,نوائے وقت ,,سے گفتگو میں انہوں نے کہا کہ بیرونی سرمایہ کاری میں فروغ کے ساتھ ساتھ حکومت ملکی وسائل پر بھی بھرپور انحصارکررہی ہے اور زراعت و صنعت سمیت تمام شعبوں کوترقی دینے کے لیے بھرپور اقدامات اٹھائے جارہے ہیں انہوں نے کہا کہ معاشی ترقی کے لیے مربوط اقدامات کیساتھ ساتھ سیاسی استحکام بھی ناگزیر ہے حکومت کی مثبت پالیسیوں سے غیر ملکی سرمایہ کار پاکستان میں سرمایہ کاری میں دلچسپی لے رہے ہیں سعودیہ پاکستان میں اربوں روپے کی سرمایہ کاری کرے گا  سعودی عرب نے ہمیشہ مشکل وقت میں پاکستان کا ساتھ دیا ۔