فلم انڈسٹری کی بحالی کا سفر شروع ہو چکا ہے : میرا

لاہور (سیف اللہ سپرا) اداکارہ میرا نے کہا کہ پاکستان فلم انڈسٹری کی بحالی کا سفر شروع ہو چکا ہے جس کا ثبوت عیدالفطر پر ریلیز ہونیوالی پاکستانی فلم ’’سلطنت‘‘ اور عیدالاضحی پر ریلیز ہونیوالی پاکستانی فلمیں ’’نامعلوم افراد‘‘ اور ’’اپریشن 021‘‘ کی کامیابی ہے۔ میں نے بھی ایک اچھے موضوع پر معیاری فلم پروڈیوس کرنے کا فیصلہ کیا۔ ان خیالات کا اظہار انہوں نے’’نوائے وقت‘‘ کے ساتھ گفتگو کے دوران کیا۔ انہوں نے کہا کہ میں ایک عام لڑکی تھی اور ایک عام لڑکی سے فلمسٹار میرا مجھے پاکستان کی فلم انڈسٹری نے ہی بنایا ہے۔ آج اگر پاکستان کی فلم انڈسٹری پر مشکل وقت ہے تو سب کو مل کر اس انڈسٹری کی مدد کرنی چاہئے۔ انہوں نے کہا کہ ہسپتال کیلئے جگہ مل چکی ہے، کوشش ہے تعمیر جلد شروع ہو جائے۔