خیر پور کے قریب سوات سے کراچی جانے والی مسافر بس اور ٹرالر میں تصام ہو گیا۔ جس کے نتیجے میں اٹھاون مسافر جاں بحق اور متعدد زخمی ہوگئے

ٹھیڑی کے قریب پیر منگیو کے مقام پر سوات سے کراچی جانے والی مسافر بس اور ٹرالر میں تصام ہو گی۔ جاں بحق ہونے والے افراد  میں خواتین، بچے اور بوڑھے شامل ہیں۔ جن کو موٹروے پولیس اور ایدھی نے فوری طور پر سول اسپتال سکھر اور خیرپور منتقل کیا۔ حادثے میں درجنوں افراد زخمی ہوگئے۔خیرپور اسپتال کے ایم ایس  کے مطابق اسپتال لائی گئی لاشوں کو سرد خانے میں رکھا گیا ہے۔ زخمیوں میں سے متعدد حالت تشویش ناک بتائی جا رہی ہے۔ پولیس کے مطابق ٹرالر کا ڈرائیور ٹرالر چھوڑ کر فرار ہو گیا ہے۔ تاہم پولیس نے ٹرالر کو اپنی تحویل میں لے لیا ہے۔ جبکہ مسافر بس مکمل طور پر تباہ ہو گئی ہے۔