بیٹنگ کےبعد پاکستانی شاہینوں کانیوزی لینڈ کیخلاف شاندار باؤلنگ کا مظاہرہ ، کیویزٹیم دوسوباسٹھ رنز پرڈھیرہوگئی۔ راحت علی نے چار کھلاڑی کو پویلین کی راہ دکھائی۔

پاکستانی شاہینوں نےپہلی اننگز میں شانداربیٹنگ کا مظاہرہ کیا تو باؤلرز نے بھی ٹیم کا بھرپور ساتھ دیا، پانچ سوچھیاسٹھ رنز کےجواب میں پوری کیویز ٹیم دوسوباسٹھ رنز پر ڈھیرہوگئی نیوزی لینڈ نےاپنی اننگزکاآغاز پندرہ رنز بغیر کسی نقصان کےکیا۔تاہم ٹام لیتھیم ، کورے اینڈرسن اور بی جے واٹلنگ کےسوا کوئی بھی بلےبازپاکستان کےنپے تلے باؤلنگ اٹیک کاسامنا نہ کرسکا۔ ٹام لتھیم ایک سوتین رنز بناکرٹاپ سکور رہے۔ کورے اینڈرسن نے اڑتالیس رنز کی اننگزکھیلی جبکہ بی جے واٹلنگ بیالیس رنز بناکر آؤٹ ہوئے۔ پاکستان کی جانب سے لیفٹ آرم پیسر راحت علی نے چارکھلاڑی آؤٹ کئے۔جبکہ ذوالفقاربابر نے اپنے نام کے آگے تین وکٹیں لکھوائیں۔