عصر حاضر میں ”ایئر پاور“ کو خصوصیت اہمیت حاصل ہے: ایئر چیف

اسلام آباد(سٹاف رپورٹر)©© پاک فضائیہ کے سربراہ ائر چیف مارشل سہیل امان نے کہا ہے کہ عصر حاضر کی لڑائیوں میں فضائی قوت کی اہمیت کئی گنا بڑھ چکی ہے۔ پاک فضائیہ نے آپریشن ضرب عضب سمیت انسداد دہشت گردی کی کارروائیوں میں شاندار کارکردگی دکھائی ہے۔ انہوں نے جمعرات کے روز فضائیہ کے زیرِ اہتمام نور خان آڈیٹوریم ائیر ہیڈ کوارٹرز اسلام آباد میں ” ائیر پاور “کے موضوع پر منعقدہ دو روزہ عالمی سیمینا ر کے افتتاحی سیشن سے خطاب کرتے ہوئے ان خیالات کا اظہار کیا۔ اس سیمینار میں مختلف ممالک سے آئے ہوئے مبصرین جدید دور میں ائیر پاور کے استعمال اور افادیت پراظہارِ خیال کریں گے۔ افتتاحی سیشن می ں پاک فضائیہ کے سابق سربراہان ، پاک فضائیہ کے سینئر حاضر سروس اور ریٹائرڈ افسران ،پاکستان میں موجود غیر ملکی دفاعی اور فضائی اتاشی اور مختلف تعلیمی اداروں کے نمایاں افراد بھی اس سیمینار میں موجود تھے۔ پاک فضائیہ اور مختلف اتحادی ممالک کی فضائیہ کے مقررین اورمبصرین اس سیمینار میں ائیر پاور سے متعلق ایک دوسرے کے خیالات اور تجربات سے استفادہ حاصل کریں گے۔ پاک فضائیہ کے سربراہ ائیر چیف مارشل سہیل امان نے اس موقع پر افتتاحی خطاب کرتے ہوئے کہاکہ ©” عصرِ حاضر میںائیر پاور کو نہایت اہمیت اور خصوصیت حاصل ہو چکی ہے جو کہ کافی حد تک ٹیکنالوجی کی بتدریج ترقی کی مرہونِ منت ہے علاوہ ازیں ائیر پاور میں اعلیٰ تربیت ، موثر منصوبہ بندی اور پیشہ ورانہ قیادت کے پہلوو¿ں کو بھی نظر انداز نہیں کیا جا سکتا۔ طویل عرصے سے ائیر پاورکے ماہرین ان پہلوو¿ں پربھر پور توجہ مرکوز کئے ہوئے ہیںان ماہرین کے مطابق ائیر پاورہر طرح کی روایتی اور غیر روایتی جنگ سے نبر د آزما ہونے کے لئے بنیادی ضرورت بن چکی ہے۔ بے شک اکیسویں صدی میں سیکیورٹی کو بہت خطرناک چیلنجز درپیش ہیں۔ جنگ کا دائرہ کار وسیع ہو رہا ہے اور ہمیںروایتی اور غیر روایتی دشمن کا سامنا ہے ۔ ہمیں ایک دوسرے کے تجربات سے سیکھنے کی بھی ضرورت ہے ۔ائیر پاور کو اسکی بنیادی خصوصیات کی وجہ سے کسی بھی طرح کی روایتی اور غیر روایتی جنگ میں بخوبی استعمال کیا جا سکتا ہے اور یہ کسی بھی قسم کے آپریشنز میں یہ منصوبہ بندی سے لیکر اپنے اہداف کونہایت موثر طریقے سے نشانہ بنانے کے کام آتی ہے۔ اپنے خطاب کے اختتام پر انہوں نے کہا کہ مجھے فخر ہے کہ پاک فضائیہ نے پچھلے چند سالوں میں دہشت گردوں کے خلاف فضائی آپریشن کو نہایت کامیابی سے سر انجام دیا ہے۔
ایئر چیف