آرمی چیف جنرل راحیل شریف نے سوات میں فوجی چھاؤنی کا سنگ بنیاد رکھ دیا۔ آرمی چیف نے سیدو شریف میں شیخ زید ہسپتال کا بھی افتتاح کیا۔ آرمی چیف نے چھاؤنی کا سنگ بنیاد رکھنے کی تقریب سے خطاب کرتے ہوئے کہا کہ فوجی چھاؤنی کے قیام سے سوات میں ترقی کا نیا دور شروع ہو گا۔ چھاؤنی کے قیام سے علاقے میں خوشحالی آئے گی، چھاؤنی کے قیام سے لوگوں کو روزگار کے مواقع میسر ہونگے۔ سوات میں امن فوج اور یہاں کے عوام کی قربانیوں کی بدولت قائم ہوا۔ صحت کی صورتحال بہتر ہو گی۔ معاشی سرگرمیاں بڑھیں گی۔ لوگوں کو صحت، تعلیم اور روزگار کے مواقع ملیں گے۔ تقریب کے دوران آرمی چیف قبائلی عمائدین میں گھل مل گئے۔ آرمی چیف کو جی او سی سوات میجر جنرل آصف نے بریفنگ دی۔