پاکستان علامہ اقبالؒ کی دور اندیشی‘ خواب کی بدولت وجود میں آیا: عابد امام‘ شعیب اکمل

 ملتان (نیوز رپورٹر) رہنما پاکستان تحریک انصاف بیرسٹر سید عابد امام شاہ اور چیئر مین پنجاب اوورسیز پاکستانیز کمیشن ڈسٹرکٹ ملتان مخدوم شعیب اکمل قریشی ہاشمی نے کہا ہے کہ پاکستان علامہ اقبال کی دوراندیشی اور خواب کی بدولت معرض وجود میں آیا۔ ان خیالات کا اظہار انہوں نے ینگ پاکستانیز آرگنائزیشن ملتان اور پنجاب اوور سیز پاکستانیز کمیشن ڈسٹرکٹ ملتان کے زیرِ اہتمام شمع بناسپتی و کوکنگ آئل اور ویز واش ملتان کے تعاون یومِ ولادت حضرت ڈاکٹر علامہ محمد اقبال ؒ کے موقع پر سہہ روزہ تقریبات کے دوسرے روز گورنمنٹ اقبال سیکنڈری سکول ملتان میں منعقدہ تقریب سے بطور مہمانان خصوصی خطاب میں کیا.تقریب سے خطاب کرتے ہوئے سید محمد علی رضوی،شوکت بدر،رشید عباس خان اور عمران اعظمی نے کہا کہ اقبال ؒ کی شاعری میں سیرت رسول پاک ؐؐ کی عکاسی ہے نئی نسل اقبال ؒ کی شاعری سے رہنمائی لیتے ہوئے اپنی عملی زندگی کا آغاز کرے۔تقریب سے امام دین،یوسف نون، اعجاز سپرا ڈاکٹر فرحان ناصر، حافظ عابد،محمد اقبال و دیگر اور طلبا و طالبات نے بھی خطاب کیا۔