میرپورخاص(بیوروپورٹ)  پولیس کی کاروائی بڑے پیمانے پر آتش گیر مادہ اور پٹاخے بم برآمد ملزمان گرفتار کر لیے گئے، تفصیلات کے مطابق  ایس ایچ او غریب آباد نے مخبر کی اطلاع پر عمرکوٹ روڈ این کے پمپ کے پاس کاروائی کرتے ہوئے شادی اور دیوالی میں استعمال ہونے والے آتش گیر مادہ اور بم پٹاخوں سے بھری ہوئی ایک وین کو اپنی حراست میں لے کر آتش گیر مادہ برآمد کرلیا اور ملزمان سریش کمار بھیل اور گوسوامی کو گرفتار کرکے ملزمان کے خلاف مقدمہ درج کرلیا۔ دوسری جانب کھانا دیرسے ملنے پر 22سالہ نوجوان طیش میں آکر گھرمیں موجود پستول سے خود پر فائر کر کے خودکشی کر لی، گھر میں کہرام مچ گیا علاقہ سوگوار ، تفصیلات کے مطابق مہران تھانے کی حدود میں واقع ماروی ٹاون میں رہاش پذیر محمود آباد تھانے کے بڑے منشی تلسی داس بھیل کے نوجوان 22سالہ بیٹے چندر کماربھیل نے گھرمیں اپنی ماں سے کھانا مانگا کھانا دیر سے ملنے پر نوجوان نے تکر ار شروع ہو کردی اور شدید طیش میں آکر گھر میں موجود پستول سے خود پر فائر کر کے خودکشی کر ڈالی نوجوان کی اچانک موت پر گھر میں کہرام مچ گیا جبکہ علاقہ میں سوگ کی فضا چھا گئی  جبکہ سول ہسپتال میں قانونی کاروائی کے بعد نوجوان کی نعش ورثاء کے حوالے کر دی گئی تاہم واقعہ کا مقدمہ درج نہیں کیا جاسکا ۔