مری ٹریفک پولیس نے 37 سیاحوںکو بروقت امداد فراہم کی

مری(نامہ نگار خصوصی) مری میں ٹریفک پولیس سیاحوںکو ہر ممکنہ ٹریفک سہولت فراہم کرنے کے ساتھ ساتھ مشکل میں گھرے سیاحوں کو دیگر مفت سہولیات فراہم کرنے میں کوشاں ہے ۔اس طرح چیف ٹریفک آفیسر راولپنڈی رائے مظہر اقبال کی خصوصی ہدایات پر عمل کرتے ہوئے مری آنے والے سیاحوں کو  دوران سفر گاڑی خراب یا ایکسیڈنٹ ہونے کی صورت میں لفٹر اور کرین کے ذریعے مفت سروس فراہم کرنے کے سلسلے میںٹریفک ہیلپ لائن پر موصول ہونے والی کال پر فوری ریسپانس دیتے ہوئے ٹریفک پولیس کی فری لفٹر اور کرین سفر کے ذریعے37سیاحوں کو بروقت مدد فراہم کی جس پر سیاحوں نے ٹریفک پولیس کی فری سروس کو سراہتے ہوئے شکریہ ادا کیا۔