ڈبلن(آئی این پی)جنوبی افریقا کے کرکٹر فاف ڈوپلیسی نے ٹی ٹوئنٹی ورلڈکپ جیتنے کے لیے پاکستان کو فیورٹ قرار دیا ہے۔کرکٹ ویب سائٹ کے مطابق فاف ڈوپلیسی نے کہا کہ ان کے نزدیک پاکستان ٹی ٹوئنٹی ورلڈکپ 2021کی ایسی ٹیم ہے جو ٹرافی اپنے نام کرسکتی ہے۔کرکٹر نے نیوزی لینڈ سے متعلق بھی امید ظاہر کی کہ کیویز بھی ٹورنامنٹ میں یہ کارنامہ انجام دے سکتے ہیں اور وہ ایونٹ میں اس کے کافی قریب بھی آئے لیکن وہ خود کو اس پوزیشن پر برقرار نہیں رکھ سکے۔اس موقع پر ڈوپلیسی نے اپنی ٹیم جنوبی افریقا کی تعریف کرتے ہوئے کہاکہ پروٹیز نے سپر 12مرحلے میں 5میں سے 4میچز جیتے جو ان کی شاندار کامیابی ہے اور انہیں اپنی ٹیم پر فخر ہے۔ٹیسٹ کرکٹ سے ریٹائرمنٹ لینے والے ڈوپلیسی نے جنوبی افریقا کے بولنگ اٹیک کو ٹی ٹوئنٹی ورلڈکپ کا سب سے بہترین بولنگ اٹیک قرار دیا۔