کراچی ( کامرس رپورٹر )تین روزہ رنگا رنگ فرنیچر اینڈلیونگ نمائش کا آغاز 12نومبر سے کراچی ایکسپو سینٹر میں ہو گا جہاں پاکستان اور دنیا کے خوبصورت اور دیدہ زیب فرنیچر دیکھنے اور خریدنے کا موقع ملے گا ۔ کراچی ایکسپو سینٹرکے دو ہالز پر مشتمل تین روزہ نمائش میں مقامی اورغیر مقامی سطح کے اعلی معیار کے 45 برانڈز کے ورسٹائلوفرنیچر زدستیاب ہوں گے۔ سی ای او آر ایف ایونٹس ڈاکٹر نازش فیصل نے کہا کہ نمائش کا افتتاح ملکی نامور شخصیات کریں گی جسمیں ایک سے بڑھ کر ایک برانڈ کے خوبصورت فرنیچر صارفین کو دیکھنے کوملے گا۔ہیڈآف مارکیٹنگ ماسٹر مولٹی فوم عاصم چوہدری کا کہنا تھا کہ ایک چھت تلے اس منفرد نمائش میں ملک بھر سے تیار کیے گئے فرنیچرزاور اس پر کیا گیا آرٹ ورک اورکشیدہ کاری کے نادر اورخوبصورت نمونے دیکھنے اور خریدنے کا موقع کراچی کے شہریوں کو فراہم کیا جارہا ہے جس سے وہ بھرپور فائدہ اٹھاسکتے ہیں۔12تیرہ اور چودہ نومبر کو روایتی شادی بیاہ کے فرنیچر کی خریداری پر خصوصی ڈسکاؤنٹس بھی دئیے جائیں گے۔