اسجد ملہی کی تسلی نہیں ہوئی تو  دوبارہ الیکشن لڑنے کیلئے تیار ہوں ،نوشین افتخار 

اسلام آباد(خبر نگار) مسلم لیگ کی حلقہ این اے 75 ڈسکہ سے فاتح  رکن قومی اسمبلی سیدہ نوشین افتخار نے کہا ہے کہ اہل ڈسکہ نے ہمیشہ مسلم لیگ ن میاں نواز شریف میرے والد اور میرا ساتھ دیا ہے شکست خوردہ اسجد ملہی کی ابھی بھی تسلی نہیں ہوئی تو میں دوبارہ الیکشن لڑنے کیلئے تیار ہوں یار آپکا مقدر ہے آپ نے ہارنا ہی ہے میرے حلقہ کے عوام ماضی میں بھی میرے بزرگوں کو کامیاب کرواتے رہے ابھی بھی انہوں نے ہمارا ہی ساتھ دیاہے شکست پر الیکشن کمیشن اور ریٹرننگ افسران پر الزامات لگانا کھسیانی بلی کھمبہ نوچے کے مترادف ہے ان خیالات کا اظہار مسلم لیگ ن کی رکن قومی اسمبلی سیدہ نوشین افتخار نے الیکشن میں شکست کھانیوالے تحریک انصاف کے امیدوار اسجد ملہی کی اسلام آباد میں پریس کانفرنس پر اپنا ردعمل دیتے ہوئے کیا نوشین افتخار نے کہا ہے کہ مسلم لیگ ن چالیس سال سے ڈسکہ کے عوام کی خدمت کر رہی ہے میرے والد پیر سیدافتخار الحسن شاہ اور میرے خاوند نے بھی خدمت سے عوام کے دل جیتے علاقے کی تعمیر ترقی میں اپنا کردار ادا کیا اسی لئے حلقہ کے عوام نے مجھے کامیاب کروایا۔
نوشین افتخار