سکولز اولمپکس گیمز :11 اضلاع کی ٹیمیں تمغوں کے حصول کیلئے آمنے سامنے

ملتان ٗ ڈیرہ( سماجی رپورٹر+بیورو رپورٹ )جنوبی پنجاب کے  پہلے سکول اولمپکس گیمز کے سلسلے میں ہاکی، فٹ  بال، بیڈمنٹن، والی بال اور ٹیبل ٹینس کے کھیلوں میں کانٹے  کے مقابلے جاری، جنوبی پنجاب کے 11 اضلاع کی ٹیمیں تمغوں کے حصول کیلئے آمنے سامنے، گیمز کے دوسرے  روز فٹ بال کے  میچز  میں وہاڑی، لودھراں، خانیوال اور لیہ کی بوائز ٹیمیں فاتح، سکولراو لمپکس گیمز کے دوسرے روز بوائز کٹیگری میں ہاکی  کے چار میچ کھیلے گئے۔ ڈیرہ غازی  خان نے 4-0 کے مقابلے  میں ملتان ، وہاڑی  نے 6-1 کے مقابلے  میں مظفر گڑھ، لودھراں نے 4-1 کے مقابلے میں راجن پور جبکہ خانیوال نے 2-0 کے  مقابلے میں لیہ کو شکست دیکر کامیابی  حاصل کی۔ گرلز کٹیگری میں بھی ہاکی کے  چار میچ کھیلے  گئے۔