سینئر اداکارہ بشری انصاری نے بھارتیوں کو پرسکون ہونے کا پیغام دےدیا۔بشری انصاری نے اپنے آفیشل اکاﺅنٹ انسٹاگرام پر بھارتی ٹیم کے کپتان ویرات کوہلی کی ایک تصویر شیئر کی۔ اس تصویر کو شئیر کرتے ہوئے اداکارہ نے لکھا کہ ہیلو انڈیا ،براہ مہربانی پرسکون رہیں اور ویرات کوہلی پر دبا نہ ڈالیں یہ صرف ایک گیم ہے کوئی جنگ نہیں۔ انہوں نے لکھا کرکٹرز بھی انسان ہوتے ہیں کوئی روبوٹ نہیں ،لہذا مہربانی کر کے انہیں اپنے ملک میں فراخدلی کے ساتھ خوش آمدید کہیں اور ان کا خیر مقدم کریں۔ خیال رہے کہ بھارتی کرکٹ ٹیم ٹی 20 ورلڈ کپ میں اچھی کارکردگی نہ دکھانے پر ورلڈ کپ سے باہر ہوگئی ہے جس کی وجہ سے بھارتی شائقین اپنی ہی ٹیم کو شدید تنقید کا نشانہ بنارہے ہیں۔
View this post on Instagram
