میرپورخاص،پاک فوج  کی حمایت میں ریلی 

میرپورخاص(بیورورپورٹ)  اہلیان میرپورخاص کی جانب سے پاک فوج کی حمایت میں ریلی نکالی گئی اور پاک فوج کے خلاف زبان درازی کرنے والوں کی شدید الفاظ میں مذمت کی گئی، پوسٹ آفس چوک سے نکالی جانے والی ریلی میں معذور افراد نے بھی شرکت کی اور ریلی کے شرکاء تمام راستے پاک فوج کی حمایت میں نعرے بازی کرتے رہے، پریس کلب پر پہنچ کر مقررین نے شہریوں سے خطاب کیا تفصیلات کے مطابق اہلیان میرپورخاص کی جانب سے پوسٹ آفس چوک سے پریس کلب تک پاک فوج کی حمایت میں ریلی نکالی گئی جس میں معذور افراد نے بھی شرکت کی ریلی کے شرکاء تمام راستے پاک فوج کے حق میں اور پاک فوج کے خلاف زبان استعمال کرنے والوں کے خلاف شدید نعرے بازی کرتے رہے ریلی کے شرکاء سے خطاب کرتے ہوئے سابق ڈسٹرکٹ گورنر روٹری رئیس احمد خان، میجر(ر) مسرور بیگ، فرقان علی شیخ، غضنفر علی خان، نعیم غوری، فرید قریشی، امام بلوچ، باقر خان زئی، عبدالروف اور دیگر نے پاک فوج کو  خراج تحسین پیش  کیا ۔