لاہور (نیوز ڈیسک) ٹی ٹونٹی ورلڈ کپ میں انگلینڈ کے ہاتھو ں بھارت کی عبرتناک شکست کے بعد سوشل میڈیا پر صارفین کے تبصروں اور میمز کی بھرمار ہو گئی۔ بھارتی شکست ٹوئٹر سمیت سوشل میڈیا پر ٹاپ ٹرینڈ میں آ گئی۔ سوشل میڈیا صارفین نے دلچسپ تبصرے اور میمز شیئر کیں۔ بھارتی صارفین اپنی ٹیم کی شکست پر غصے اور دکھ سے بھرے تبصرے کرتے رہے۔ انگلش میڈیا خصوصاً بڑے برطانوی اخبارات دی ٹیلی گراف اور گارڈین نے اپنی شہ سرخیوں میں لکھا کہ ’’انگلش ٹیم نے انڈیا کو کچل دیا‘‘۔ بٹلر اور ہیلز نے انڈیا کے ٹکڑے کر دئیے۔ وہیں پاکستان کے سوشل میڈیا صارفین نے بھی بھارتی شکست پر دلچسپ تبصرے کرتے ہوئے کہا ’’انڈیا تو گیئو‘‘  بہت  بے آبرو ہوکر ورلڈ کپ سے تم نکلے‘‘ ’’اب تیرا کیا بنے گا انڈیا‘‘۔ جبکہ بھارتی صارفین نے کہا کہ ’’کیا ٹی وی بند کردوں جبکہ ایک صارف نے لکھا ہے کہ جتنی تیزی سے ہاردک تالیاں بجا رہا تھا اس سے زیادہ تیزی سے بٹلر باؤنڈری مار رہا ہے۔ یہاں تک کہ وزیراعظم پاکستان شہباز شریف نے بھی اپنی ٹویٹ میں بھارت کی شکست پر تبصرہ کرتے ہوئے لکھا ہے کہ اس اتوار کو 0/152 بمقابلہ 170۔ وزیراعظم نے ٹی ٹونٹی  ورلڈ کپ 2021ء میں پاکستان کے ہاتھوں بھارت کی شکست کی جانب اشارہ کیا ہے۔