آئی جی فیصل شاہکار کی 14 روزہ چھٹی منظور‘ شاہ رخ کو اضافی چارج

لاہور (نمائندہ خصوصی) کنور شاہ رخ کو آئی جی پنجاب کا اضافی چارج دیدیا گیا۔ چیف سیکرٹری کے بعد آئی جی پنجاب فیصل شاہکار کی چھٹی بھی منظور کر لی گئی۔ آئی جی پنجاب فیصل شاہکار نے 14 روز کی چھٹی کی درخواست دی اور کہا ہے کہ وہ عمرہ کی ادائیگی کیلئے جانا چاہتے ہیں۔ قبل ازیں آئی جی پنجاب فیصل شاہکار پنجاب میں کام کرنے سے معذرت کر چکے ہیں اور پنجاب حکومت بھی وفاق کو آئی جی پنجاب کی تبدیلی کیلئے خط لکھ چکی ہے۔