کراچی(اے پی پی)سندھ انٹر سکول کرکٹ ٹورنامنٹ ٹنڈو محمد خان میں جی بی ایچ ایس سعید پور اور جی بی ایچ ایس ملاکاتھیار سکول نے اپنے میچوں میں کامیابی حاصل کرلی۔حکومت سندھ کے تعاون سے جاری ٹورنامنٹ میں کھیلے گئے پہلے میچ میں جی بی ایچ ایس سعید پور سکول نے فوجی فاﺅنڈیشن کو 3وکٹوں سے شکست دی۔ فوجی فاﺅنڈیشن سکول کی ٹیم 138رنز بناکر آﺅٹ ہوگئی۔ جمشید نے 24 اور عبدالسلام نے 21رنز بنائے۔ منٹھار نے تباہ کن باﺅلنگ کی اور 33 رنز کے عوض 5 کھلاڑیوں کو آﺅٹ کیا۔ جواب میں فاتح ٹیم نے ہدف 7وکٹوں پر حاصل کرلیا۔ ایاز علی نے 40 اور منٹھار نے 28رنز سکور کئے۔ منٹھار کو مین آف دی میچ قرار دیا گیا۔ دوسرے میچ میں جی بی ایچ ایس ملاکاتھیار اسکول نے دی رائٹ وے اسکول کو 128رنز سے زیر کیا۔ جی بی ایچ ایس ملاکاتھیار اسکول نے 187رنز اسکور کئے۔ جبار 31، عمران بخش 23، عبدل رحمن 22اور عزیر علی 21رنز کے ساتھ نمایاں رہے۔ ایم احسان اور زین عابدین نے تین تین وکٹیں حاصل کیں۔ جواب میں دی رائٹ وے اسکول کی ٹیم 59رنز پر پویلین واپس لوٹ گئی۔ عبدل جبار، ماجد علی اور عزیر علی نے دو دو وکٹیں حاصل کیں۔ عبدالجبار مین آف دی میچ قرار پائے۔
سندھ انٹر سکول