لاہور ( کامرس رپورٹر) سمارٹ فون بنانے والے عالمی شہرت یافتہ برانڈ ویوو نے آج اپنی Yسیریز کا نیا سمارٹ فون Y02s  پاکستان میں متعارف کروا دیا۔ نوجوان صارفین کے لیے بہتر ین پرائس رینج میں جدید فیچرز سے آراستہ سمارٹ فون متعارف کروانا ویوو کا ویژن ہے اور Y02sاسی کی تکمیل کی ایک کڑی ہے۔Y02s کو لمبے عرصے تک چلنے والی 5000mAhکی بڑی بیٹری سے آراستہ کیا گیا ہے تاکہ آپ اپنے سمارٹ فون کو دن بھر با آسانی استعمال کرسکیں اور+3GB RAM   32 GBسٹوریج والے اس سمارٹ فون کا ڈیزائن بھی انتہائی خوبصورت اور پرکشش رکھا گیاہے۔ ویوو Y02s میں آنکھوں کی حفاظت کے لیے آئی پروٹیکشن فیچر کے ساتھ 6.51-inch HD+ Halo FullView™  ڈسپلے ہے جس سے سکرین پر دکھائی دینے والی تصاویر اور ویڈیوز مزید اچھی لگتی ہیں۔ اپنے 2.5Dسلم باڈی ڈیزائن کے ساتھ یہ ڈیوائس نہ صرف بہت خوبصورت ہے بلکہ گرفت  میں بھی انتہائی آرامدہ ہے۔