مفتی تقی عثمانی آج کلرسیداںمیں جمعہ کے اجتماع سے خطاب کریں

 کلرسیداں(نامہ نگار) شیخ الاسلام مفتی محمد تقی عثمانی آج کلرسیداں شہر میں جامع مسجد ربانی کے افتتاحی کے علاؤہ جمعہ کے اجتماع سے بھی خطاب کریںوہ کراچی سے اسلام آباد پہنچ گئے ہیں ۔ نماز جمعہ میں ان کا خطاب دن ساڑھے بارہ بجے شروع ہو جائے گا بعد نماز جمعہ وہ جامعہ دارالعلوم ربانیہ کا سنگ بنیاد بھی رکھیں گے۔تقر یب میں جمعیت علماء برطانیہ اور جامعہ ہذا کے سرپرست مولانا عبدالرشیدربانی خصوصی شرکت کریں گے۔
 جامعہ کے مہتمم مولانا احسان اللہ چکیالوی کے مطابق افتتاحی تقریب کے تمام تر انتظامات مکمل ہوچکے ہیں۔افتتاحی تقریب میں جڑواں شہر وں سمیت گوجر خان ،کہوٹہ ،چکوال ،دینہ ،جہلم سے علماء کرام اور عوام الناس خصوصی شرکت کریں گے جبکہ مفتی تقی عثمانی کی کلرسیداں آمد پر انجمن تاجران ان کا استقبال کرے گی ۔