لودھراں‘کوٹ ادو‘دائرہ دین پناہ(ڈسٹرکٹ رپورٹر‘نمائندہ نوائے وقت‘خبر نگار‘نمائندہ خصوصی) لودھراں‘کوٹ ادومیں حادثات ‘2خواتین سمیت 3جاں بحق‘3زخمی ریسکیو 1122 ذرائع کے مطابق چک نمبر 100ایم میں ہسپتال کے قریب ایک ٹرالر یوٹرن لے رہا تھا کہ اس کے پیچھے سے موٹر سائیکل ٹکرا گیا۔جس کے نتیجہ میں میں موٹر سائیکل سوار 2خواتین موقع پر جاں بحق ہو گئیںجبکہ 50سالہ مشتاق شدید زخمی ہو گیا۔ ریسکیو 1122موقع پر پہنچ گئی لاشیں اور زخمی شخص کو طبی امداد کے بعد ڈسٹرکٹ ہسپتال منتقل کر دیا۔جاں بحق ہونے والی خواتین اور زخمی شخص ٹبہ عزت احمد پور شرقیہ کے رہائشی بتائے جاتے ہیں۔کوٹ ادوسے  خبر نگار کے مطابق کوٹ ادوکا رہائشیمحنت کش محمد سہیل اپنے پھٹہ رکشہ پر مزدوری کے سلسلہ میں شہر جا رہا تھا کہ راستہ میں گلے میں لپٹی ہو ئی گرم چادر موٹر سائیکل رکشہ کے چین میں پھنس گئی جس کی وجہ سے دم گھٹ کر جاں بحق ہو گیا،ریسکیو 1122 نے اسے تحصیل ہسپتال پہنچایا لیکن طبی امداد سے قبل ہی وہ دم توڑ گیادریں اثنا دائرہ دین پناہ کا رہائشی سعید احمد بوہا بیوی نذیراں مائی کے ہمراہ موٹرسائیکل پر سوار خان چوک جا رہے تھے کہ راستہ میں سڑک پر دھواں ہونے کی وجہ سے آہستہ ہوئے تو پیچھے سے آنے والے تیز رفتار ٹریکٹر نے انہیں ٹکر مار دی جس کے نتیجہ میں دونوں میاں بیوی پختہ سڑک پر گر کرشدید زخمی ہو گئے 
حادثات