لاہور (نیوز رپورٹر)پاکستان مرکزی مسلم لیگ کی جانب سے مزید 16 یونین کونسلز میں حلف برداری کی تقریبات میں ہزاروں افراد نے پارٹی رکنیت کا حلف اٹھایا۔ تقریبات ڈھولنوال، گلشن راوی، راوی روڈ، شیخ آباد، پراچہ کالونی، سمن آباد، ماڈل کالونی، وارث کالونی، شہباز پارک، شاداب کالونی، شیرشاہ کالونی، کماہاں، ہجویری سکیم، تیزاب احاطہ اور کریم نگر کے علاقوں میں ہوئیں۔ صدر پاکستان مرکزی مسلم لیگ خالد مسعود سندھو، نائب صدر حافظ طلحہ سعید، فنانس سیکرٹری انجینئر حارث ڈار، صدر لاہور انجینئر عادل خلیق، جنرل سیکرٹری لاہور ڈاکٹر مزمل اقبال ہاشمی و دیگر نے خطابات کئے۔ مقررین نے کہا پاکستان مرکزی مسلم لیگ اپنے منشور اور اپنے کردار کے باعث عوام کی امیدوں کا محور بن گئی ہے۔ پارٹی رہنماؤں نے نومنتخب ارکان سے وعدہ لیا کہ وہ عوامی خدمت کے مشن میں لمحہ ضائع نہیں کرینگے اور پاکستان کو اسلامی فلاحی ریاست بنانے میں کردار ادا کرینگے۔