فیروزوالہ: ٹریفک حادثات  4 افراد ہلاک ،6افراد زخمی 

فیروزوالہ( نامہ نگار)کوٹ پنڈی داس روڈ پر تیز رفتاراینٹوں سے بھری ہوئی ٹریکٹر ٹرالی بے قابو ہو کر موٹر سائیکل سے ٹکرا گئی جس کے نتیجہ میں موٹر سائیکل سوار نوجوان عثمان 22 سالہ جان بحق ہو گیا۔ لاہور روڈ پر تیز رفتار گاڑی کی ٹکر لگنے سے راہگیر ریاض احمد جان بحق ہو گیا۔ لاہور روڈ قلعہ ستار شاہ کے قریب ٹرالر اور فیکٹری بس کے درمیان تصادم جس کے نتیجہ میں راہگیر ہلاک اور فیکٹری کے 5ورکرز شدید ہمیں ڈرائیور کی دونوں ٹانگیں ٹوٹ گئی۔شدید دھند کی وجہ سے تیز رفتار رکشہ نے سڑک عبور کرتے ہوئے راہگیرنعیم احمد 40 سالہ کو ٹکر مار دی جو سڑک پر گر گیا پیچھے سے آنیوالے تیز رفتار ٹرالر نے اسے روند ڈالا جو موقع پر جان بحق ہو گیا۔ اس دوران پیچھے سے آ نیوالی فیکٹری بس ٹرالر سے ٹکرا گئی جس کے نتیجہ میںبس ڈرائیور علی رضا کی دونوں ٹانگیں ٹوٹ گئی جبکہ فیکٹری کے دیگر ملازمین شدید زخمی ہو گئے۔