راولپنڈی (نوائے وقت رپورٹ) تھانہ ریس کورس کے علاقے میں ایک شخص نے گولیاں مار کر اپنی بیوی اور ساس کو قتل کر دیا۔ تفصیلات کے مطابق قتل کی واردات تھانہ ریس کورس کے علاقہ کیانی روڈ پر پیش آئی جہاں ملزم نے گولی مار کر اپنی بیوی اور ساس کو قتل کر دیا۔ اقراء لطیف اور یاسمین کی نعشیں ہسپتال منتقل کر دی گئیں۔ پولیس ذرائع کے مطابق جائے وقوعہ سے فرانزک ٹیموں نے شواہد جمع کرنے کا عمل شروع کر دیا۔