الہ آباد/ ٹھینگ موڑ (نمائندہ نوائے وقت) خوفناک حادثہ میں دو جاں بحق، تین افراد شدید زخمی ہو گئے۔ تفصیلات کے مطابق قصور دیپالپور روڈ‘ کوڑے سیال پٹرولنگ چیک پوسٹ کے قریب شادی سے واپسی پر موٹر سائیکلوں پر سوار پانچ افراد نجی رائس مل سے نکلنے والے ٹریکٹر ٹرالے کی زد میں آ کر کچلے گئے۔ دو افراد موقع پر ہی جاں بحق ہو گئے جبکہ 3 افراد شدید زخمی ہو گئے۔ جاں بحق ہونے والے افراد کی شناخت غلام عباس ولد مہنگا چکی والا اور شاہد آفریدی ولد اصغر ساکن کوڑے سیال کے نام سے ہوئی۔ لواحقین نے شدید احتجاج کرتے ہوئے مین قصور دیپالپور روڈ بلاک کر دی۔